O Dominik Lakatoš si 18 beršengoro talentirimo hokeari, so sine alusardo an o editoriali taro magazino Forbs an i čehia sar jekh taro 30 terne manuša so resle o učipa an i pli kariera anglal te resen plo 30 biando dive. Anglutne duj džene tari oleskiri familia sine sportistia jekh fudbali o aver hokeari, kana o Dominik lakatoš panda ko eftato klasi počmingja te khelel hokej an o klubi Kolin. Palo odova gelo an o hokej klubi Liberec thaj ko dreso taro parne tigria sikavgja plo baro talenti thaj ulo jekh taro majšukar hokearia kote o Liberec palo odova sine dominatno an i hokerasko Ekstra liga. I kulminacia reslja ko sukcesi oleskere hokej kairierake kana persi berš sar 18 beršengoro sine lendo sar avgo Rom an i čehiakiri hokearsko reperezentacia an o Lumiakoro juniorsko šampionati an i Finska so si hokearenge so si poterne taro 20 berša. Tegani o čehiakoro editoriali taro magazini Forbs hramosargja e terne romane talentirime hokeareske.
Ko masek april o Lakatoš sine alusardo sar majšukar debitanti an i Čehiakiri Ekstra hokearsko liga. Odoja informacia si panda jekh drom so sikavel oleskoro baro talenti thaj sukcesi.
Link: http://www.romea.cz/en/news/czech/romani-hockey-player-listed-in-czech-edition-of-forbes-30-under-30
