I Skandinavsko bukjarni turnea taro IRU Prezidento Zoran Dimov džal majodorig avdisutne mitingoncar an i Švedska. Palo dujdivesengiri vizita an i Norveša ko 23 thaj 24 maj, avdive barabutne e IRU delegatorencar Setfan Kuzichov, i Ajten Berafla, Rosita Grofson, Gergori Larlund thaj Stefan Palison – Koci . Ko avdisutno mitingo sine dikhiba e ministerka baši kultura thaj demokratia Alisa Bah Kunke
Ko mitingo o IRU Prezidento Zoran Dimov zapendžargja e ministerka bašo strukturno aktivitetia thaj o plania taro IRU butikeripa. Ov interesiringja pe majbut baši i situacia e Romencar an i Švedsak thaj an i Skandinavia.
Ko jekh barabutne dikhle i šajsarin baši konekcia maškar o IRU thaj e švediakere institucie.
Palo mitingo sa o akteria sikavgje baro čalipa taro mitingo thaj majodorigutno konekcia taro IRI thaj e Švediakoro Govermento thaj progresi em prosperiteti e Romane populaciake an o sa o segmentia dživdipaske.
Ko avdisutno dive ko jekh o Prezidento taro IRU ka lel than an o seminari baši Romani čhib tari rig e Baki Hasan thaj tari pli rig ka prezentirinel o džiakanutne džanlipa thaj pozicie taro IRU an i konekcia we standardizaciaja e romane čhibjake.
Anglal o manuša so lele than an o seminari sikavgja o momenti baši forma e standardizaciake e Romane čhibjake sar univerzalno momenti te arakhel pe i kultura, tradicia thaj o identiteti.
