O prezidenti taro IRU Parlamenti ple ofisea an o Viena, o Stivo Balog Radul ko vakti tari pli vizita an o Apatin vizitkergja o objektia tari anglosikljojbaskiri institucia “Pčele” an i romani mahala ko drom Patear Drapšin. Ko vakti tari oleskiri vizita e tikne čhavenge ov dengja len tikne bakšišia so ka šaj olencar te educirinen pe thaj te khelen.
O IRU kerel buti ko anava e Romenge an i sasti lumia, numa trujal odova thaj e aver minjoritetenge kaske trubul arka. Amari parola si kote savore siam jekh, nane rasno diferenca thaj diferenca an i aver funda, savore siem manuša.
Akale simbolikane aktea thaj akala bakšišia so dengjum e čhavenge ki romani mahala , thaj aver čhavenge tari diz Apatin, vakergja o Balog. Ov si inače taro Apatin thaj but droma avela ko Apatin. Ko agorutno ikerdo Kongreso taro IRU an o Skopje sine alusardo sar Preidento an o IRU Parlamento an i majbari Romani organizacia – IRU kote sine delegatia taro 36 thema.
Ko jekh o Balog si prezidento e eruopakere Centareske baši integracia e Romenge. Prekal pli organizacia o Balog kergja inicijativa te šaj sasljarel pe i tikni Jelena Obradović an i unuverzitetsko klinika Kopler an o Linc.
