O phravdo thaj politikano leiba than e Romane džuvlenge si proekti so sine promovirime tari partner organizacia DAJA taro Kumanovo thaj KHAM taro Delčevo. O prezidenti tari DAJA i Dilbera Kamberovska vakerela kote trujal so i NGO pobuter berša kergja buti ko kampanje taro politikano zoralipa e romane džuvljake thaj olakoro pobaro leijba than , palem i Romani džuvli nane but konektirimi an i politika.
-Isi desavo procenti , numa nane but baro, isi džuvlja so si an i politika, numa odova si tikno procenti odoleske keraja akaja buti , kote trujal so mangaja te oven konektirime o romane džuvlja an i politika ko jekh mangaja te oven konektirime thaj an o institucie, ko majuče bukjarne thana thaj pozicie, vakergja i Dilbera Kamberovska tari DAJA , Kumanovo.
An o proekti si astarde o komune kote isi majbaro procenti romani populacia, maškar olende Kumanovo, Delčevo, Gostivar thaj Štip. Šerutno aktiviteti an o proekti ka ovel o rodaripa so kerel ekstra proektansko rodaripaskoro ofiso a valjani te finalizirinel pe dži ko agor e nilaekse vakeren o šerutne, notiringja o Zekir Abdulov taro KHAM, Delčevo.
O proekti ka ovel duj berša thaj si finasirime tari Europakiri Unia.
