I Norveška si hazri te pukjinel reparacia e Romenge sebepi i zori kerdi rasistikani politika so sine an o periodi taro nacistikano terori ko vakti taro Dujto lumiakoro maripa. O premieri e Norveškakoro Eran Solberg, bičhavgja jertisaripa baši kerdi diskriminacia, so sine motivi te oven o Roma viktimia ko nacistikane logoria.
Sine bičhavdo thaj sebepi kerdi diskriminacia upral o Roma thaj palo dijto lumiakoro maripa an i Norveška kote sine tretirime sar “kalo kotor” an i historia e themake, thaj si hazri te pukjinel reparacia e Romenge.
I Nacistikani Germania kergja okupacia e Norvešlale ko aprilo 1940 berš palo odova o lokalno Nacional socialistikani partia formiringja kolaboristikano marionetsko govermento telal o leagripa taro Vidkun Kvinbslig. Prekal o informacie ko bišto berša taro nakhlo šelberšipa an i Norveška sine paše 150 Roma. Akana olengoro numero an i Norveška si 500, so legaren i kampanja bašo te resen reparacia.
Ko raporti akcentirinel pe kote ko periodi taro Dujto lumiakro maripa an o nacistikane konc logoria sine mudarde 62 norveško Roma.
