O pendžardo germansko biznismeni, Legia Paterson anavkerdo si nevo Romano thagar. An i manifestacia, parti persi kurko so sine organizirimi an o Dizeldorf, o Roma tari Srbia, Makedonia thaj Germania ale te oven kotor taro akava akti thaj te den utsavalo momenti e akteske. Ko vakti tari akaja parti kote sine upreder 1.000 džene o Paterson vakergja:
“Mange si baripa thaj respekti so anglal akala manuša akate mande notiringje man sar thagar. Mle Roma mangena man thaj respektirinena man, a ko jekh me da olende ko jekh si man baro respekti. Mangav te kerav baro jekhipa maškar sa o Roma thaj te šaj te pomožinav – te dav arka kobor so šaj sakoske. Akava mange si baro čalipa, em baro respekti, thaj akaja buti me dikhav la taro seriozno aspekti. But sium bahtalo!” – akcentiringja o Legia Paterson.
Sar so notiringja eksluzivno bašo Romatimes.news, ko sig vakti ka startujnel snimiba dokumentarno filmi oleske, kote ko sig vakti ka vakerel amenge thaj o detalia akale dokumentarno filmeske.
Link: http://www.kurir.rs/stars/legija-paterson-postao-kralj-roma-clanak-2221917
