O naformalno netvorko taro nagovermenteskere organiyacie Romano Dekadno Kontakt nukta – Makedonia, so si ambrela taro 18 Romane NGO majzorale reagirinela ko terorizirimi čipota thaj fizičko atako upral o Mitko 17 beršengoro Rom taro gav Ovčepolci, komuna Pazardžik – Republika Bugaria, so ulo ko 18 aprilo 2016 berš. Premal o info taro http://goo.gl/cxf8Yh thaj o video klipi havljardo an o socialno netvorko kote o Mitko na provociringja thaj kergja mujal atako e manušeske so kergja o atako. O manuš so kergja o atako so javno notiringja kaj si nacionalisti, kergja fizičko atako thaj verbalno teleperavel sine e terne čhave soske ko olengoro dialogo vakergja kaj si ola jekh a jekh.
IO naformalno netvorko taro Romane NGO Romani Dekadno Kontakt nukta – Makedonia ka dikhel o faisali e akteske, thaj udžarela o institucie an i Republika Bugaria te keren zori baši nadiskriminacia, jekhutnipa anglal o kanoni thaj saste jurisdikciakoro akti akale čipotenge, bizi diferenca kastar si kerde a si ko ziani e demokratske themake.
Amen udžaraja o institucie an i Republika Bugaria majzorale te keren reakcia mujal asavke aktia, terori thaj natolerancia mujal o Roma.
Ko jekh udžaraja kaj o institucie an i republika Makedonia ka dikhen o fakti taro akava incidenti taro nahumano karakteri ko avutnipa te ovel promocia e fundamentalno manušikane hakoja thaj praktika e demokratiake an i Republika Bugarija.
Akharaja e Konsilo e Europakoro te kerel reakcia dži o membria tari Republika Bugaria te ospervirinen o čipote upral o Roma. Ko jekh o Konsilo e Europakoro te akharel e oficialno membron atri Republika Bugaria bašo majbaro džovaplipa thaj protektiva e Manušikane niamenge ko demokratsko moldipa thaj protektiva e Romane hakoenge an i republika Bugaria.
Skopje, 19.04.2016
Naformalno netvorko taro NGO
Romani Dekadno Kontakt nukta – Makedonia
I REAKCIA si teloikerdi taro:
Humanitarino thaj libertasi Romano khedipa (HLRK) “Mesecina” – Gostivar.
NGO “KHAM”- Delcevo
Romano khedipa e džuvlenge an i Makedonia DAJA Kumanovo
Asociacia – Iniciativa baši socialno trampa– InSoC – Skopje
Centeri bašo socialno buvljaria e Romenge „Bairska Svetlina”-Bitola
Dizutnengoro khedipa bašo buvljaripa taro marginalizirime grupe “Romano Resursno Centari” – Skopje
Asociacia baši naformalno edukacia e Romenge – Romska Solza – Prilep
Asociacia bašo manušikane hakoa e Romenge – Stip
RBIC Romano Bisnis Informativno Centri
Romano edukativno Centari Ambrela (REC)
Asociacia buvljaribaske e romane jekhinake SUMNAL
Romano jekhinakoro Centari – “DROM”-Kumanovo
Asociacia taro dizutne thaj edukacia e protektivake ko džuvljane thaj čhavorikane hakoenge ‘LIL’
Asociacia ” Nacionalno Romano Centari “ – Kumanovo
Asociacia Demokratsko buvljaripa e Romenge SONCE
Džuvljani dizutnengiri asociacia
OPEN THE WINDOWS – Asociacia bašo asistitivno tehnologie
D-r. Eben Friedman
M-r Nadir Redzepi
Romalitico – Instituti bašo rodaripa thaj analiza e politikenge Skopje
Unga Romer-Šuto Orizari
Ternengoro forumo – Skopje
WDA – ZAR – Gostivar
