Ko prevzia e utsavalkeripaske taro Dive e Romengoro 8-to Paril , ko aver forma notiriba korkoroincijativno thaj individualno kergja o diplomirimo politikolog taro Suto Orizari o Edis Hasan.
Ov avdive korkoro kergja vizita nekobor kherenge thaj olengiri familia an i komuna Sito Orizari so ko jevend sine tharde saste olengere khera.
Ko vakti tari vizita sine le dikhiba e familiencar thaj dengja len po jekh paketi humanitarno arka so sine artiklia hajbaske thaj higiensko arrtiklia. Sar so vakergje o korkoro Roma sine but čale taro akava humano gesti akale diveseske.
” Lačhe si so dengje pe godi amenge ko akava dive. Baro ov sasto e Edis Hasaneske so sikavgja plo humano profili premal amende,, kote diferenciaja olestar, o aver amare romane političaria nane len asavki idea , num kergje koncetracia te keren manifestacie sar so si koncerto, muzika thaj aver spektaklia” vakergje o romane familie.
O korkoro Hasan Edis vakergja kaj akava gesti šaj ovel motivi ko avutnipa thaj o aver manuša te sikaven plo solidariteti okolenge so si bisterde.
Gesti respektoske.
