45 berša taro Internacionalno dive e Romengoro: Kurko taro Roma thaj o terne thaj olengiro thanjaripa thaj praktika
Akava berš o 8-to Aprilo – Internacionalno dive e Romengoro nišankeribaja startujngja hari angleder. O 8 April 2016 berš keren pe 45 berša taro Jekhto Romano lumiakoro Kongresi so ikergja pe ko Orpington, ko pašipa taro London . Ko akava historikano dive plo than lele 23 delegatia Roma taro enja thema thaj pherdo opservatoria kote sine akceptirime o simbolia o flago romano thaj i romani himna.
O 8-to April 2016 berš si jekh berš taro aniba i Rezolucia taro Europakoro Parlamenti lipardo ko maripa mujal o anti – Gypsyism.
Odoleske o ERGO – Europakoro netvorko e romane lokalno organizacienge konektirime si an i organizacia e agjaar anavkerde Kurko e Romengoro thaj Europakoro Parlamento: implementacia seria aktivitetia resarinaja notiribe o Romano dive . O Kurko e Romengoro thaj Europakoro Parlamenti si an i organiyacia thaj taro baro numero biradžakere organizacie thaj membria taro parlamentioa so ka ovel duj divesa 5-6 april 2016 berš.
Ko pervazia taro Kurko e Romengoro an o Europakoro Parlamenti ka oven duj konferencie ko bukjarnipa e terne Romenge thaj anti – Gypsyism. Ka oven sikavde duj filmia so prezentirinen duj tematsko artia e Romenge. Trujal odova ko thavdipa e kurkeske udžarel pe o prezidentia taro politikane grupe an o Europakoro Parlamenti de keren unipa thaj te keren signatura an i barabutni andi deklaracia ko maripa mujal anti – Gypsyism. O Kurko e Romenge an o Europakoro Parlamenti si organizirime thaj teloikerdo e šefeske taro EP o rajo Martin Šulc.
