“O paldiba e Romanja – invalidi thaj olakere čhija urgentno te čhinavgjovel” si propozalo taro Europakoro Kriso manušikane niamenge dengja urgentno konsekvenca so trubul sine te implementirinel pe ko akava vikendi. Persi kurko i diz Rim kergja daravin kaj ka dislocirinel jekhe Romane džuvlja – invalidi barabutne olakere čhijaja, barabutne avere Romencar so sine len “improvizirime” thanjaripa. I decizia e Europakere Krisoske dengja roko taro 24 časia te čhinavel akava akti tari rig e italiakere Govermentoske.
O improvizirime khera si jekh taro duj thana kote o Roma si hilavde taro naRoma an i Italia. Persi berš e italiakere krisia šubikergje e dizja Rim so kergja buti upral o segregacia kamposke e Romenge kaj si dur tari diz Rim so roden te phanen pobaro numero kampia (Romane thaj naRomane) kote e narOmenge den pe ekonomsko benefitia te arakhen alternativno thanjariba, dži kote e Romenge thaj akale džuvljake arakhen pe paldibaja. Ki akaja čipota e Europakoro Kriso manušikane niamenge arkhlja momento kaj i decizia si diskriminatorsko thaj e Romenge nane dendo nisavo benefiti.
