Selman Selma bijami 1991 berš an o Njujork kote studiringja ko Fakulteti likovno arteske, palo odova džala an i Akademia likovno arteske an i Banja Luka kote diplomirinela ko 2014 berš.
Palo odova aplicirinela stipendienge ko pobut lumiakere univerzitetia,a resel lake stipendia taro Univerziteti an i Sirakuza , so si privatno univerziteti. Oj vakergja kaj sine but bahtali so ka ovel kotor taro akava renomirimo lumiakoro univerziteti.
“Nikana na sine ma mlo kher, bizo fakti okova so si mi familia an i Bosna. Mlo ilo nikana na manglja te ovel an o jekh than. Nadžanav so udžarel man tajsa thaj kaj ka ovav”
Jekh taro olakere umetnikane akti si o fokusi taro naomadsko natura olakere naciake – Romenge.
“Amen o Roma , nane amne amari them, numa siem an i sasti lumia. O Romano flago simbolizirinel amaro karakteri, o upruno vunato kotor sikavel kaj sem an o sasto del, o teluno harialo si o than kaj sem an i sasti lumia, a i loli čakra – rota si amaro phiripa thaj maripa”.
I Selma pli korkorutni izložba pharavgja la ko 4 marti an o Njujork an i galeria Bufalo, a implementiringja la i Jasmina Tumbas.
“Akaja izložba si ciklusi an i tema multigenerational traume, ačhovipa thaj problemia so arakhen pe io manuša bizo ple thema. O kotora si kerde an o duferentno mediumia thaj chidel o pučiba i korelacia maškar i daj thaj i čhaj” vakerel i Selma
Link : http://serbie-droitshumains.blogspot.mk/2016/03/selma-selman-de-bihac-etudie-les-beaux.html
