O holandsko fania sine snimime an i Plaza Mayor, šerutno ploštadi an i šerutni diz e Španiake frdibaja metalno monete nekobor romane džuvlenge kana telile o romnja te len o hurde love. O raportia tari španiakiri šerutni diz vakeren kaj o incidenti agorkergja kana ale dizutne so phirena sine odothe thaj kergje reakcia
“Okova so dikhlem an i Plaza Mayor si lipar tari diskriminacia so arakhel pe o majbaro europakoro minjoriteti. An i Europa o Roma si marginalizirime thaj viktimia tari segregacia, diskriminacia thaj čorolipa.
“Akava nane asajbaske a majhari e barvale manušenge tari Europa so nikana na dživdingje o Romano dživdipa so mangle te keren lenge teleperavipa. O FAGIC si holame taro legaripa akale fanenge.”.
Holamo sebepi o incidenti bešipaja an o Madrid i antirasistikani grupa Movimiento Contra la Intolerancia (MCI) akharel e Kriso thaj e Uče Konsile tari sportsko federacia te keren konsekevnce mujal akala fania e incidenteske sebepi “narespektirime thaj rasistikane akti”.
O prezidenti taro MCI Esteban Ibara akcentirinela: ” I degradacia thaj teleperavin taro fania taro PSV Ajdhoven an i Plaza Mayor premal o Roma so sine sar rasistikano atako , so došperavipaskere aktia tari rig e Španiakere lanonia, te kerel pe akti sar reparacia upral o digniteti grupenge thaj individue so si preperutne akale nacionalitetea”.
Harie Timermans , presidenti e fan klubeske PSV jertisargja pe akale incidenteske notiribaja ” nane lačhe dikhibaske.”
“Na trubul te frden pe momnete upral o manuša. Čače si bilačhe alava so ulo “, vakergja o Timermans.
https://youtube.com/watch?v=9LwJ5647zw0
