O nivelo taro bibukjarnipa e Romenge an i BiH legarel majodorig si 98%, baro numero taro romane čhave na džana panda an i škola, a 20% taro familie nane len fundavno šartia pani thaj elektrika, akcentiringja i šefica tari misia OBSE an i BiH i Nina Suomalinen.
Oj akcentiringja kaj o politikano nivelo si but tikno.
Oj notiringja kaj e BiH si la bari buti bašo faisali bašo problemia ko manušikane niamia e Romenge te lačharel pe o standardo e dživdipaske e Romenge, notirinen taro OBSE.
” An i BiH alo dži ko desave pozitivno trampe an o pervazia an i implementacia e Dekada Romani thaj trubul dopherdo angažmano” akcentiringja i Suomalinen.
O regionalno raporti ko maripa mujal i diskriminacia thaj leiba than e Romenge an o aniba decizie ko lokalno nivelo sikavdo an o Saraevo ko pervazia e realizacia an o proekti ” Majšukar džanlipa ko praktike an i inkluzia e Romenge -BPRI so implementirinel o OBSE thaj o Ofiso bašo demokratskop institucie manušikane niamia ODIHIR
O legarutno e proekteske Džudit Kiers akcentiringja kaj o lačhe implementacie aktivitetia e raporteske ko aktivitetia so legaren pe e Romenge ko sasoitnikane čipote an o Balkani.
O BPRI si regionalno proekti so si finasnirime taro OBSE a implementirime taro ODIHIR. Ko pervazia e proekteske del inovativno programe resarinaja te keren promocie e Romenge ko politikano thaj javno dživdipa aniba decizia ko maripa mujal i diksriminacia thaj majlačhe šartia e dživdipaske.
