O romano aktiviteti avdive si an i kriza. O anticiganizmo bajrola sa majbut a amare organizacie ačhon nasvale hulavde. O univerzalno leiba e Romano flago thaj i himna den inspiracia thaj i nevi generacia taro aktivistora te sikaven mangipaja thaj baro progreso.
Jekh fakto so našti te kerel pe ignor si o momento akana taro teleperavipa butipa e Romenge. Anglal odokhar baro numero Roma so nane len šajdipa te khuven ki politika. Ola si ikerde avrial kana anen pe decizie an o demokratsko proceso ko thema kote bešena.
I situacia si but bilačhi. Urgentno akcie trubun.
Reforme vash Demokratsko tranzicia
Amen pakaja kote implementacia e masovno votibaske e Romenge thaj o membria šaj kerel pe moderno tehnologiaja so legarel ko lačhipa. Ka šaj o Roma an i sasti lumia te ovel olen šansa te keren majšukar ko civilno sasoitnipa thaj barabutno hango.
-Formiripa globalno Romano elektoratui thaj ka kerel unitarizmo.
-Alosaribaskiri kampanja ka del konkuretno idee.
-O alusarde membroja ka ovel olen majabro legitimiteto
Asavki buvli demokratia ka anel raporto thaj transparetno buti, thaj ka bajrarel o legitimiteto. Sar ka ovel majabro o numero taro elektorati ka kerel pe pendžardo Romano nacionalno Mandato. kolektivno zoralipa e naciake thaj i mangin e naciake.
Numa akaja tranzicia trubul na trujal reperezentativno demokratia, kote trrubul te sikavel pe liderstvo , numa thaj leiba than na salde an o lokalno nivelo.
Amen trubul te bajrara o elektorateskoro zoralipa sakote kote ka la o instrumento an o amare vasta thaj zoralo progreso.
I rolja taro Kongreso an o Skopje
Sar jekhto akti o delegatia an o akava 10-to Kongreso IRU taro 18-20 marti an o Skopje Makedonia te kerel pe majlačho formiripa Komisia baši Demokrtasko Tranzicia .
I savala e Komisakiri ka ovel te kerel kontrola thaj sar te kerel pe majšukar čhani bašo elektronsko votiba so ka šaj te ovel validno an o 11-to IRU Kongreso an o 2020 berš so planirinel pe te ovel putardo saste demokratsko thaj unimo karakteri.
Baši demokratsko tranzicia – Petar Antić, Gratan Pukson thaj Orhan Tahir
(dendo validiteto an o socialno netvorko upreder šel aktivistora)
