Sako okova so ko plo vast ka čhivel jali ko ple šea ka humlavel agjaar vakerdi “martinka” (sar narakvica kerdi taro parno thaj lolo thav) bašo sastipa thaj baht taro odova momenti džanlo jali na sar te chidingja pe taro Devel., jali okola so si Ortodoksia sar tari khangiri te chidingja pe.
Našti ko jekh momenti te pakjal pe sar ko Devel agjaar thaj ki “martinka”. I religia thaj o paganizmi nane len konekcia, sar so nane konekcia maškar o Devel thaj o Beng. Dujenge našti te ova paše. Ka oven paše jali e Devleske jali kontra.
Legaripa “martinka” si pagansko rituali thaj bengeskoro adeti kote o manuša so legarena pakjana kaj i martinka so čhivel pe ko jekhto mart na tromal te ikavel sa dži ko aviba e anglonilaeske kana o phakša avena jali kana o kašta lulugjarena. Palo odova pakjala pe so si feleri kaj valjani te humlavel pe i martinka ko desavo kašt thaj te mangen peske sastipe, vestipa, baht thja olengere mangina ka phergjon. Te ikavgja pe i martinka anglal dendo roko esapinel pe sar bibaht thaj odoleske o manuša ikeren la ko po vast sa dži ko odova periodi pobut tari dar.
Akava pagansko rituali nane le konekcia e religijaja. O hristiania ko vast legarena po neko tespie jali krsto so si bašo molitve.
O ortodoksia pakjan kaj i baht i mangin na avel taro saavke ritualia, bizo manuš te mučinel pe (sar so o beng sikavgja e Adam thaj i Eva ko bezeh te han i phabaj te šaj haven o šukar taro bilačho – Biblia 1.Mojsie 3,4-5).
Numa trebel tromale te keren plo plesutnipa so si jekh a jekh e Devleskere lafencar te užaren po vilo, thaj te sikljon oe Devleskere lila, kote o Devel palo odova dela len berikerti nafaka. O ortodioskia pakjan kote i baht thaj sastipe iklol salde tari Develskiri pakjib , ana taro fobično pagansko ritualia.
