O khedipa e dizutnengoro “Romaverzitas” havljarel akahrin bašo praktičaria – facilitatoria baši praktika thaj praktikakere ofisia an o akademsko peformansia thaj džanlipa thaj zojrakeripa e romane identeteske.
Target grupa si studentia Roma so studirinen an o themakoro thaj privatno univerzitetia an i R.M.
Akaja akahrin si kotor taro proekti: “Romaverzitas – akademsko thaj avee suporto e studentenge Roma an i Makedonia”. O proekto si saste teloikerdo Romano Edukaciakoro Fondi (REF) tari Budimpešta.
Teme so trubul te keren pe sar praktike te šaj zojrakerel pe o akademsko performanse thaj džanlipa si:
– Menadžiriba an o vakti
– Komunikaciakere thaj prezentiribaskere džanlipa
– Tehnike taro efektivno thaj efikasno sikljoviba
– Tehnike bašo akademsko hramosariba
– Metodologia taro ukakoro thaj rodiripaskiri buti.
Teme so ka bičhaven pe ko bukjakere ofisia bašo zojrakeripa e romane identeteske si:
– Romano identiteti
– I historia e Romengiri
– Romani čhib thaj kultura
– Romano aktiviteti
E bukjakere savale (zadače) taro praktikantia – facilitatoria so ka den o praktike thaj bukjakere ofisia ka oven:
– te kerel agenda e bukjarne ofiseske
– te hazrkeren materiali bukjake
– te keren distribucia e materialeske baši buti dži gi target grupa thaj i organizacia
– te hazrkeren pučlaribaskoro formulari baši evaluacia e bukjarne ofiseske
– te keren narativno raporti bašo bukjarne ofisia
O praktike thaj e bukjakere ofisia ka realizirinen pe taro masek mart dži ko masek avgust 2016 berš thaj ka oven an i makedonikani čhib.
Šartia sar te aplicirinen:
– te ovel olen bukjakoro džanlipa ko keriba buti thaj praktike ko bukjakere ofisia an o teme so si akcentirime an i akaja akharin.
– te ovel olen lačho dđanlipa ko pedagoško sikljojba, metodologia bašo butikeriba
Dokumenti bašo apliciriba:
– tikni biografiaкратка биографија
– motivacisko lil (te akcentirinen pe o teme so aplicirinena )
– Lista taro kerde praktike e temenge so si akcentirime an i akaja akahrin.
Sar te aplicirinen:
O dokumentia trubul te den pe prekal elektornsko drumea an o e mail: [email protected] jali plesutne (lično) ko ofisia taro “Romaverzitas an o Skopje, Štip thaj Tetovo jali prekal pošta adresaja: ul.11 Oktomvri br. 18-7 1000 Skopje (notiripaja bašo Povik za obučuvači – facilitatori).
Roko apliciribaske – dži ko 30 avgust 2016 berš
Dopherde informacie baši akaharin taro praktičaria – facilitatoria šaj te len an o ofisia taro “Romaverzitas” an o Skopje, Štip thaj Tetovo jali an o tel: 076/225-568, sako bukjarno dive taro 09.00 dži ko 17.00 časo jali elektronski an o e mail: [email protected].
