O francusko legaripa ande dekretea taro adalati agorkegja i evakuacia e majbare romane kampeske an o Pariz, kote dživdinen paše 300 Roma.
O kampi arakhel pe sine ko utar taro Pariz ki mukhli trenoskiri linia ko agjaar anvakerdo “Tikni kustik”. I decizia e evakuaciaja si andi taro adalati palo rodaripa e themakere trenoske, so si gazda e phuvjake.
E franciakoro legaripa gejngja 135 khera kote so dživdinen sine saste familie an o phare higiensko šartia thaj bizo takjariba kote so sine riziko thaj taro bare jaga.
Ki statistikani operacia gejniba so kergja pe persi kurko sine konstatirime kaj an i mahala isi 73 teleperavde persone kotar 18 čhave džana sine an i škola, thaj isi štar čipote so si nasvale tari tuberkoloza.
Prekal o raportia havljarde akana sig ko thavdipa taro 2015 berš sine evakuirime paše 11.000 Roma taro olengere nalegalno kampia an i Francia, bizi konstitutivno šartia dživdipaske.
