O Zoran Dimov ko dikhipa e germaniakere Bundestagoja, te arakhel pe formulacia ko faisali e phure Romenge thaj e Germaniakoro Penziakoro fondo.
Avdive an i oficialno dikhiba an o Bundestago an o Berlino sar Premieri thaj viceprezidenti an i Internacionalno Romani Unia – IRU o rajo Zoran Dimov barabutne e dvokatea o rajo Frank Repenhagen sine len oficialno mitingo thaj lafikeripa e membroncar taro germaniakoro Bundestago tari i Levica.
Ko dikhipa thaj lafikeripa sine zapendžarde aktivitetea so kerel o IRU an i konekcia ew proekte so si an i implementacia paše jekh berš an i teritoria an i R.Makedonia , R.Srbia thaj i Bugaria, a lungo periodo thaj an o thema taro Ost Europa.
An o lafikeripa tari rig e Zoran Dimoveskiri thaj o advokati Repenhagen o Bundestag zapendžargja pe e detalencar thaj i procedura so si an o thavdipa tari realizacia ko pukjiba jekh forma kompenzacia e pophureder Romenge so si biame angleder thaj an o vakti tari Nacistikano teoror an i teritoria tari Europa konekciaja i Makedonia, Srbia thaj Bugaria.
O membria taro Bundestag akcentiringje kaj si an o baro interesi te dikhen o procedure thaj vakergje ka keren zori te anen pe majsig decizie pozitivno efektoja ki konekcia akale procedurenge.
Ko akava dikhipa o Zoran Dimov thaj o IRU ka oven olen saste arka te šaj anen pe faisali ko individualno formalitetia thaj pozitivno agor.
Ko jekh o Ziran Dimov sar IRU reperezento an i vizita an i Germania si len tha aver mitingora – khedipa konekciaja aver da organizacie, fondacie so si importantno e IRU-ske thaj e Romane jekhinake an i Europa thaj buvleste.
