O Bukjarne ko aeroplaneskoro sektori , o telekom industrie thaj finansisko sektori isi lem majuče plate, sikaven o agorutne informacie taro Themakoro ofisi baši statistika. Ko noemvri persi berš , o bukjarne ko aeropalneskoro sektori thaj transporti ko prosek lena sine 68.166 denaria jali paše 1.100 euro , o programeria taro ITK industria ko prosek lena sine 50.097 denaria jali paše 800 eura, dži kote o bukjarne an o finansisko sektori prosečno ko masek lena sine 43.740 denaria jali paše 700 eura.
O informacie sikavena kaj o bukjarne an i farmacia , energetsko sektori, konsalting lena masekoskiri palata ko učipa taro 37.000 dži ko 39.000 denaria jali paše 650 eura. O rahitektia, trujal o programeria thaj inžineria ki berza bukjake si rodime thaj si len paše 29.000 denaria jali paše 500 eura, dži kote o sastipaskere thaj socialno bukjarne lena 24.500 denaria jali paše pobut taro 420 eura
Proseko plata pukjimi an o noemvri 2015 berš an i Makedonia sine 21.976 denaria jali paše 330 eura, a ki paralalea persi beršeske isi progresi ki plata bašo 2%.
Ko beršeskoro nivelo majbut o plate barile ko hoteslko sektoro, paše 10%, an ia dministracia 9%, finansisko industria 3% ko IKT eskotri 5% a ko tamikeribaskoro proektanstko sektori 7% majbare.
Majtikne plate si ko sektori thanjariba thaj servis hajabske kote ko prosek si 15.010 denaria jali 250 eura.
