Ki diz Leti an i Čehia, ko farma balenge arakhel pe o than taro ex nacistikano koncetraciono logori kote so sine phanel o Roma.Ki ofiso taro EGAM barabutne aver manušikane niamia nacionalno organizacie, legarela beršencar napalala i kampanja “Respekto bašo Leti” so isi resarin te thanjarel pe alaja farma thaj te čhivel pe lipar – monumenti sar lipar e viktimenge thaj teloikeriba ko rodaripa e nacistikane genocideske upral o Roma.
Ko kontekst akaleske ko 26 januar, o EGAM o prezidento Bendžamin Abdtan thaj o direktori Pol Morin, sine le dikhiba e Komesarea bašo manušikane niamia an o Konsilo e Europakoro an o Strazbur, Nils Mužnieks.
O Komnesaru dengja plo dejbe lafi kaj ka teloikerel i kampanja. Ov notiringja o importantno momenti thaj i lista teloikeribaske sar so si političaria, intelektualcia thaj aktivistia so keren maripa te chidel pe i farma thaj angje decizia te faisalkerel pe akava pučiba thaj te iranen i sama taro Čehiakoro premiero.
Akava si baro akti ko “Respekto bašo Leti” . I kampanja thaj o manifesti ko jekh parafiringje upreder šel signature nnotiribaja 83 deputatia thaj membria an o Parlamento taro 22 thema, 10 ex ministeria, dizjakere šerutne, artistia, lokalno manuša, intelektualcia, aktivistia, Roma thaj na Roma taro pobut taro 30 thema tari Europa thaj buvleste.
