O prezidenti e Partiake bašo sasti emancipacia e Romenge – PCER, o Samka Ibraimovski an o kurko rakjate, ko plo Fejsbuk profilo hramosarda kaj si čhinavdo o Kanoni sar šaj te kerel niami bašo socialno, okolea so o socialcia so ka len love taro starnastvo prekal o sig transferi, našaven sine o socialno! O Ibraimovski angleder jekh decenia sine thaj vice ministeri bašo socialno hramosargja o Kanoni si čhinavdo tari aktuelno ministerka Frosina Remenski Taševska, numa ko palokurko ikavgja ple statusia taro Fejsubk. Akale baro numero socialcia ačhile ko duj gogja, trujal so o Ibraimovski vakergja kaj šaj oleskoro FB profilo sine hakirime, thaj nadžanel ko koslja odova statusi.
Taro Ministeriumi baši sociala bašo CIVIL Media, vakerdo si kaj akana si ko hazrkeriba analiza e sa anglalkanone aktia resarinaja te kerel pe implementacia e Kanoneske baši socialna protektiva prekal o kanonia taro Ustavi e R.Makedoniake. Prekal o Ministeriumi i analiza e Kanoneske sar šaj te lel pe socialno love.
“O Ministeriumi baši socialac kerel buti ko ande decizie, so si čhinavde o socialno, kote jekh taro ande decizie si o love denden prekal sig transferi. Dži kote isi funda akale akteske, šaj te čhinavel pe i decizia, thaj o manuša ka šaj te len majodorig socialno” vakergja i Žaklina Veličkovska legarutni ko Ofisi bašo mediumia ko MBSB
Oj dopherela kote o Ministeriumi udžarela informacie taro Centria bašo socialno an i Makedonia, kote o socialcia našavgje o niami sbepi lende love taro sig transferi ko 2015 berš thaj o nevikeriba e dokumentaciake an o 2016 berš.
Prekal o informacie taro CIVIL ko periodi buteder socialcia ačhile bizo socialno, soske resle lenge pare prekal sig transferi lovenge. Akana ola na lena socialno tari them. Odoleske isi špekulacie kaj ka iranel pe olengoro niami so sine kontravezno čhinavdo olengoro niami thaj pakjiv kaj ka šaj te ovel len socialno. Odova aktuelno si majbut maškar o Roma.
Kotor taro manuša so sine len kontakti lele akava sar ” hazri decizia” sine lošale. Numa te šaj ovel čače lošale, ka valjani te udžaren te sine trampe thaj sa odola tranpe te oven havljarde ko “Služben Vesnik” ki oficialno web rig taro Ministeriumi jali an i pres konferencia.
Dži tegani sar dži akana o socialcia sar majmarginalizirimi grupa džal majodorig te ovel lokho targeti bizi olengiri ideološko parcepcia te manipulirinen te šaj ikaven alusaribaskoro hairi.
Panda dela pe godi taro korkori falba atro eks premieri aktuelno lideri VMRO – DPMNE Nikola Gruevski so vakergja kaj ka bajrarel o nivelo taro socialno , thaj akana e dekretea sar so sine okola socialcia so našavgje plo socialno so resle lenge love taro sig transferi.
“Dži akana sar Govermenti isi amen bajraripa bašo 62% tari socialno arka, ka bajrol niveloa. Ko juuli 2016 berš o socialno ka bajrlo bašo 62%” vakergja o Gruevski ko starti e beršeske.
O teksti lendo taro : http://civil.org.mk/lov-vo-matno-so-sozialzit/?lang=mk
