1. Bugarsko treno – Bugarsko vozi
Navalidno tipi alusariba taro hangiba si agjaar:
O manuš sp hanginel avel ko than hangibaske lel o listo bašo hangiba taro membria e Alusaribaskere komisiake, khuvel an i kabina hangibaske, numa ko than te pherel o čučo listo thaj te čhivel le ki kutia, ov o čučo listo lela le pea. Ov o čučo napherdo listi hangibaske lela le pea thaj iranel ole e membroske tari desavi partia, a odoleske den len love. Palo odova o membro tari odoja partia pherel o čučo listro ple fasvoriteske thaj del aver manuššeske so avel ko hangiba, thaj odova pherdo luisto čhivel ole ki kutia, a o listo čučo so lel tari komisia palem iranel oleske.
2. Hangiba ko than mulenge
O Centralno alusaribaskiri komisia i lista užarel la but angleder taro dive hangibaske, agjar so manuša so mule ko maškar vakti legaren pe sar dživde. I manipulaciua džala agjaar so o membria taro alusaribaskere Komisie tari lista hanginen ko than e mule manušenge, ko agor e diveseske. Akaja alusaribaskiri manipulacuia šaj te ovel realizirimi salde o membria tari Komisia te phanle kompromis
3. Hangiba ko than okola so na aven ko alusariba
Akala alusaribaskiri manipulacia šaj te ovel te sine phanlo lafi maškar e alusaribaskiri komisia. Ko agor e alusaribaskere diveseske, dži kote isi hangutne so na ale te den plo hango , tegani o membria tari komisia zojrakeren o numero kobor na ale ola pheren o resto napherde listia thaj hanginen ko than olenge. Majbut keren manipulacia e manušencar so nane an i them beršencar thaj okola manuša so ko kontinuiteti na aven ko hangiba.
4. Zijankeriba e listonge
Akaja alusaribaskiri manipulacia kerel pe salde kana phanen ple lafia membria an i alusaribaskiri Komisia. O membria dikhen listo so i hangime bašo desavo aver kandidati, thaj ola keren odova so hramosaren panda jekh numero tari olengiri partia, thaj kana si duj hramosarde o listo si navaldino. Sar navalidno si thaj listo kote si hranmosardo desavo nalačho lafi ko odova listo, thaj odova listo si notirime sar navalidno
5. Trampa pherde e čuče listoncar
Ko baro numero manipulacie taro membria ko Komisie alusaribaske si thaj akaja varijanta. Jekh dive anglal o alusariba, o Prezidentia e Komisiakere šaj len o sasto materiali thaj te legaren le khere prekal o kanonia. Neksake tari Komisia dela pe 10% taro listia pobuter numa so valjani te ovel prekal i lista, Nesave membria nalegalno štampinen thaj aver listia kote palo odova anel len ki Komisia pea ko dive taro hangiba. Palo agor e hangibaske gejnen pe o listia, o membro tari Komisia lel kotor taro regularno listia kote nane ohangimo eoleskere favoriteske thaj čhivel trampa e čuče listencar kote si notirimo oleskere favoriteske. . Odova na trubul te kerel pe e falc štampime listonacr numa kerel okolencar so si le sar 10% pobut so si dende oleske angleder.
6. Mobilno timia
O mobilno timia si timia taro Komisie so keren buti an o teren avrial. Sebepi so nane šajdipa an hangiba te aven phure thaj nasvale manuša , prekal o kanoni ola šaj hanginen thaj khere. O timi avel, pherel o lsito sar ola so kamen, a o phure thaj nasvale manuša keren salde verifikacia e listoske. thaj ov si notirime sar regular listo. Akala mobilno timia ko jekh organizirinen transporti e hnagutnenge, anen len vrdaja, vakeren lenge kaske te den po hango, agitirinen, thaj palo odova vakeren savo numero trubul te hramosaren an o lsito, a ko jekh palo odova dena len lafi kaj ka den len love.
