O Samka Ibraimovski si nevo-purano prezidenti an i Partia bašo sasti emancipacia e Romenge (PCER). Ov si alusardo an o eftato kongreso e partiakoro so ikergja pe an o Tetovo.
O Ibraimovski sine jekhutno kandidati so sine dendo sar anav taro sa e partiakere ofisia taro aver dizja, thaj sikavgja pli programa kote centralno than sine i protektiva tari diskriminacia thaj lačharipa o socialno statusi e Romengoro.
– Lačharipa e socialno thaj edukaciakiri kategoria sa e dizutnenge, konektiribaja thaj o Roma ačhol amaro šerutno prioriteti , thaj an o akava kongresi kerel pe sine lafi bašo o hali thaj i situacia e azilea – vakergja o Ibraimovski.
