I Norveška, Švedska, Austria, Germania thaj Francia irangje e simantrakere kontrole ko pervazia tari Šengen zona, thaj taro avdive odova kerel thaj i Danska.
O avgo pandža anavkerde thema akana ko sig anglal i EK vakergje pli decizia thaj soske keren odova. I Komisia akanaske nane la zaruripa taro dopherde informacie akale pučibaske. I EK avdive reslja o lil taro Konpenhagen thaj akana notirinen akava akti. Tari EK precizirinen kaj i Danska si len mangipa te keren kontrola an i simantar taro 14 januari.
E Europakoro kriso isi nekobor šajdipa bašo kweriba simantrakere kontrole an o Šengen ko aktuelno jali avrikontrolne situacie. Ko sako momenti ko nevikeripa e kontrolake an o simantre i EK ka valjani te ovel informirimi thaj si la niami te kerel notiriba jali kritika si li akaja kontrula sukcesiali jali na.
