Masovno protestia, havljariba “politikane bombe” e makedonsko opoziciake šastralo maripa maškar i policia thaj grupa an o Kumanovo so rezultiringja deš mudarde thaj imigransko kriza so nesave čipote so notiringje i Makedonia an o 2015 berš.
I politikani kriza so datirinel sine angleder reslja aver dimenzia kana o premieri Nikola Gruevski ki specialno konferencia bašo mediumia ko 31 januari šubikergja e lidere tari opozicia Zoran Zaev mangipaja te kerel themakoro peraviba.
Tegani sine vakerdo kaj o Zaev kerel sine ucena e Gruevskeske kompromitiračko materialea so isi le kote šaj te šunel pe lafikeriba uče govermenteske funkcioneria, kote o premieri rodingja tehničko govermenti. Palo odova o ministeri e policiakoro angja akti mujal 4 persone kote maškar olende sine tahj o Zoran Zaev.
Ko 9 fevruari i makedonsko opozicia legardi taro SDSM thaj o prezidenti zaev startujngje e “bombencar” ko proekti anavkerdo sar ” Čačipa e Makedoniake”. O Zev iklilo ko pres thaj šubikergja e Govermente kaj nalegalno šunel sine upreder 20 milje dizutnen tari Makedonia, maškar so thaj političaria, funkcioneria, žurnalistia thaj aver manušen kote havlajrel sine o materialia.
O čipote so trubul te džanel pe si i imigranstko kriza, so sine majseriozno startea ko april , thaj o meripa taro 14 avganistancia thaj somalicia kana gazingja olen treno ki pruga Veles – Skopje.
Majšerutni čipota an i Makedonia so kergja interes an i lumia si o šastralo incidenti ko kumanovsko “Divo Naselje” ko 9 thaj 10 maj kana mule 8 policajcia thaj ratavrde 30, dži kote ki grupa so kergja o atako 10 sine mudarde a 29 astarde. Pali akaja čipota i ministerka Gordana Jankulovska, o ministeri Mile Janakievski thaj o šefi e ofiseske kontrabiro Sašo Mijalkov dengej ostavke.
I makedonikani opozicia kergja masovno protesti anglal o Govermenti ko 17 maj, a jekh dive palo odova o VMRO DPMNE kergje kontraprotesti.
Ko maškar vakti o politikane partie ki konekcia e internacionalno jekhinaja USA thaj EU palo lungo kontraktia ko 2 juni ko Pržino , o VMRO-DPMNE, SDSM, DUI thaj DPA resle Kontrakti te nakhaven i politikani kriza, kaskoro paraf sine čhivdo ko 15 juli.. Prekal o kontrakti ko april 2016 berš ka ikeren pe Parlamentarno alusariba.
