Angledeer nekobor berša sine bari afera bašo bikinipa bebia. Okola so bikinen sine thaj so den sine love sine astarde thaj akana si naglal o kriso.
Ko odova “nalegalno bizniso” sine involvirime Roma tari Bugaria. Agjaar anavkerdi Stanka tari Bugaria kerel sine lafi bašo odova biznisia. 30 beršengiri Romni vakerel kaj piro bebe bikingja an i Grcia. I moldi odole bizniseske sine paše 3.500 dolaria jekhe bebeske.
Ola bikinen sine ko odova čhani kote čorole romane familie dena sine ple bebia nesave manušenge bašo love.
” Me suium akana pišpmani akale bizniseske. Čače sium pišmani. Na sine man aver opcia te šaj parvarav e duj javere čhaven” – vakerel i romni.
” Dživdina sine ko mizerno šartia ki jekh soba kote siam sine 10 džene, ko melale tikne sobe, bizo udar, pendžerke. Niko na mangel sine te dživdinel ko asavke đartia. Avena sine desave manuša roden sine te bikinav me bebe, kote ko odova vakti sium sine khamni.
Oj majanglal namangel sine numa sebepi o šartia kote dživdinel sine angja decizia thaj kergja odova. Akana vakerel kaj si pišmani but. Oj mislingja kaj te bikingja e čhave ka faisalkerel o problemia. Akana dživdinel pe romea thaj duj čhave so si bare 10 thaj 12 berš an tikni diz ko pašipe tari Burgas.
