Prekal kerde analiza thaj opservacia ko save šartia dživdinen o Roma thaj dromarutne sar jekhin an i Britania thaj Irska, o institucie keren kontrola, te šaj te džanel pe kobor lokalno jekhina dživdinena agjaar. Ko reoni anavkerdo Cornvol, prekal o raportia dži akanutne informaciencar so si len an i baza sine 109 lokacie numa ko agorutne 15 berša na kerge pe podetalno analize. An i aver kerdi analiza thaj anketa lokacie kote trubul te dživdinen akala Roma thaj dromarutne ka bajrol ko 318 lokacie.
O legarutno analitičari Edvina Hanaford notirinel. “Amen na rodaja po hor an i analiza taro dživdipaskoro stili akale kategoria manušencar. Premal olakere informacie an i Irska isi akana 640 familie so dživdinen ko asavko čhani. Ko reoni Cornovol premal olakere lafia dži ko 2030 berš o numero taro lokacie ka bajrol bašo panda 100 thana.
Oj notirinel kaj olakoro raporti ka ovel lokalno plani bašo infrastrukturno produkcia. Oj notirinel kaj dži akana o institucie vazdena sine pe vasta tari akaja kategoria dizutne,m numa ko periodi so avela trubul te keren pe majbare angažmania.
O numero taro Roma thaj dromarutne akana si navalidno, numa te šaj oven validno, amen trubul te mukha pe te kera buti an o teren a na te beša an o amare ofisia” notirinel i Edvina Hanaford.
