O jevend thaj i tikne temperature si ko prago. Akava phare poerel e Romenge so sii thanjarde an o romani mahala Banlozi ko pašipa tari Zenica. Ola beršencar pakjana kaj ka resen ko majlačhe dživdipaskere šartia. Ola phiren ko kontejneria, kheden sastrn, lila te šaj bikinen thaj agjaar te dživdinen.
Pobuter tari odoja mahala nane len takjaripa. Takjaren pe ko improviyirime šporetia ko kašta so kheden ko droma. O čhave bajrona ko bilačhe šartia. Nane toaletia, jali isi len septičko jame. I infekcia thaj o nasvalipa si bare šancenacr te nasvaljoven o čhave.
Pobut taro čhave nane len nisave dokumentia biandipaske kote akale problemea arakhen pe pobuter Roma tari Bosna thaj Hercegovina. I akcia kobor si asavke Roma an i teritoria tari Bosna thaj Hercegovina akava berš implementireinel o UNICEF.
Akava rodaripa kerel akaja organiyacia ko sako štar berša an i sasti lumia thaj astarel buteder indikatoria kote ka den pe informacie bašo o čhave.
