O Roma an o Montenegro si ande an i diskriminacia thaj riziko tari natolerancia majbut taro sa o aver etnikane khedina vakeren taro NGO sektoro an o Montenegro.
Ko raporto parafirimo tari rig taro Centari baši demokratia CEDEM, o Centari Romane inicijativake, i Koalicia Romani Rota, i Romani organizacia e ternenge – Terne phiren amencar thaj e Dizutnengiri aliansa.
O NGO bičhavel apeli okola so legaren o govermento, o politikane partie thaj individue te keren maksimalno zori te kerel pe mobilizacia thaj teloikeripa e Romenge e Egipkjanenge ko maripa mujal o čorolipa thaj socialno inkluzia.
“Importantno si kote pire vakerinencar thaj aktencar, ko than natolerancia thaj stereotipia, te vazden o nivelo tari tolerancia ko niamia e Romenge”
O NGO sektoro liparel kaj ko rodaripa taro CEDEM sikavel bari etnikani distanca, kote o themutne taro Montenegro na mangen e Romen sar pire komšie.
Premal o NGO sektoro trubul te kerel pe lungovakteskoro afirmativno akcie sar so si o domeni an i edukacia, buti, sastipaskiri protektiva thaj infrastrukturno faisali.
Ko jekh zaruri si savore panda pobut te keren afirmacia e terne Romane čhavenge so si šukar stidentia thaj sikle, te šaj ola oven o avutnipa e Romane prosperiteteske an i them.
