I delegacia taro EU thaj o ofisi taro UN an i Makedonia sebepi o Internacionalno dive bašo maripa mujal o terori upral i džuvli – 25 noemvri , ka kerel 16 divesengiri kampanja resarinaja te čhinavel pe o phagiba niamia upral o džuvlja.
” Ker kolor i lumia ko orandž, čhiv nukta e teroreske upral o džuvlja” si i legarutni kampnja taro avdive sa dži ko 10 dekemvri so ka implementirinel pe an o globalno nivelo.
Sar so sikavel o rodaripa jekh taro trin džuvlja jali terne an i lumia si viktimi ko nesavo terori.
Simbolikaja taro rošalo – svetlo avutnipa bizo terori upral o džuvlja alusardo si o kolori – orandž, vakeren taro organizatoria so havlajren pobuter aktivitetiako avutne 16 divesa, resarinaja te iranen i sama – vnimanie ko sasto saosoitnipa, thaj te kerel pe akcia baši eliminacia taro sa o forme terori upral o džuvlja.
Prekal akaja akcia i Makedonia konektirinel pe an o globalno kampanja te vazdel pe i gnd thaj te kerel pe bari akcia mujal o phagibe taro fundavno manušikane niamia.
