I romani aktivstka tari Finland, thaj membro an o but europakere asociacie ako jekh membro an o finsk Finsko ministeriumi vash avrutne butja , i Miranda Vuolasranta, notirinel jekh momento so sikavgja ko khidipa an o Europakoro Parlamento an o 19 noemvro an o Brisel, kote notirinel kaj i Europa ni kamel te dikhel i diskriminacia thaj o rasizmo upral o Roma.
Oj ko Prlamento tari Europa notirinel desave faktia. Majnaglal notirinela kaj sar bajrol i populacia an iu lumia, bajrol o rasizmo thaj nacionalistikani retorika, kote sa odova astarel e romane populacia.
Oj notirinel kaj mukhel pe but te buvljol o čorolipa maškar o Roma. Ko sa o raportia notirinel pe o teleperavipa upral i romani populacia.
I Europa sa odova dikhel numa na kerel nisave bare sankcie. Odova si baro ladžavipa e Europake. Notirinel kaj isi bari telepravin an o procesia kana o Roma rodena azili ko thema an i EU. I politika taro odola thema si bare diskriminaciaja.
Oj agorkerel ki olakiri verbalno intervencia akcentirinel kaj i Europa, na tromal te mukhel te kerel pe diskriminacia thaj o rasizmo, bizo te keren sankcie. O nacionalno kanoni trubul te implementirinel pe thaj te ovel jekh a jekh sa e dizutnenge, konektiribaja e Romencar thaj implementacia e Direktivake jekhipaske te kerel pe ažuriripa prekal o kontrakto taro EP 2000-43. Odolea trubun majbare diskusie an o Europakoro Parlamento. Trubun politikane decizie an o učo nivelo.
