Шутка NEWS

После две години премиерски мандат во рок од неколку дена Премиерот Ковачевски повторно меѓу Ромите, но овој пат со својата ќерка гостин на Ромскиот бал во Скопје

После 2 години мандат како премиер, Претседателот на Владата Димитар Ковачевски кој пред тоа никогаш не дошол на посета меѓу Ромите во рок од неколку дена по втор пат е актуелен со своите посети меѓу Ромите. На 16 јануари беше во официјална посета на Шуто Оризари, на потпишувањето на договорот меѓу УНДП и Општина Шуто Оризари за изградба на Ресурсен центар за повратници и други ранливи категории на граѓани.

Тој веќе вчера повторно беше присутен во хотелот Александар Палас каде се одржа Ромскиот бал во организација на Сојузот за Ромите од Македонија. Овој пат премиерот Димитар Ковачевски на балот дојде во придружба на неговата ќерка. Покрај Ковачевски пристуни беа и генералниот секретар на СДСМ, Миле Зечевиќ, заменик министерот за информатичко општество и администрација Александар Бајдевски и директорот на СОЗР, Пеце Мирчевски.

Youtube:

Мицкоски на Европски Ромски бал

Партијата Роми обединети од Македонија –РОМ чиј претседател е актуелниот советник во град Скопје, Ерџан Селими организираше Ромски бал на кој присуствуваше и претседателот на ВМРО-ДПМНЕ.

-Одлична организација, прекрасен настан, Европски Ромски бал 2024 во организација на коалициониот партнер, политичката партија РОМ (Роми обединети од Македонија), објави Мицкоски на Фејсбук.

Премиерот Ковачевски во посета на Шуто Оризари: Со новиот Ресурсен центар, жителите добиваат полесен пристап до сите услуги во државата

Претседателот на Владата на Република Северна Македонија, Димитар Ковачевски, денеска за прв пат после две години како стаи на функција Претседател на Владата, присуствуваше и се обрати на настан по повод потпишување на договор за реализација на проект за изградба на Ресурсен Центар за повратници и лица во ризик во Општина Шуто Оризари. Преку Ресурсниот центар граѓаните ќе имаат непречен пристап до здравствени, социјални услуги, вработување, предучилишно и училишно образование и пристап до правна помош.

Ресурсниот центар е планиран да биде мултифункционален објект, прилагодлив зависно од потребите граѓаните, и да е лоциран во зградата на Општината Шуто Оризари. Истиот е предвидено да се заврши до крајот на годинава, и ќе чини околу 180 илјади евра, од кои околу 81.000 евра ќе бидат обезбедени преку ЕУ, додека останатите ќе ги обезбеди општината за што навистина изразувам честитки од Општината, градоначалникот, советот и до сите кои што се вклучени.

Youtube:

Ученици и наставници во Шуто Оризари учеа за климатските промени и заштита на животната средина

Најмалку 150 ученици Роми од основните и средното училиште во Шуто Оризари учествуваа во работилници за подобрување на нивното здравје, за климатските промени и за заштита на животната средина. Работилниците за подигнување на јавната свест и за подобрување на капацитетите, знаењето и вештините на учениците за поврзаноста на климатските промени, здравата околина за живеење и подобрување на здравјето се реализираа во средното училиште „Шаип Јусуф“ и во основните „Браќа Рамиз и Хамид“ и „26-ти Јули“.

На овој начин, велат од Здружението на граѓани „Ромаверзитас“, со проектот „За поздрав и поурбан живот на Ромите“ се зголемува достапноста на податоци и факти за поврзаноста на климатските промени, здравата околина и свеста и мобилизираноста на учениците и наставниците за спроведување на практични мерки поврзани со климатските промени.

Исто така, лицата кои имаат успешна животна приказна со собирање и селектирање отпад, ја споделуваа својата сторија со жителите на Ќерамидница, Шуто Оризари, Кванташки пазар, Злокуќани, Топанско Поле и Ѓорче Петров