O Rom thaj i romni Radivoje thaj i Rada tari Mala Plana paše ko Prokuplje pe čhavencar bliznakia o Giba thaj o Mika si majbare čerenja ko baro TV šou “Baro Phral”.
Akaja romani familia reslja sa o simpatie taro dikhutne ko akava šou. O Radivoe si harmonikaši kote kerel buti an i Germania thaj bašavel ple grupaja ” Kalo Gavrani” em ko svinger parti.
“Svinger bašavav te šaj valcerencar te zapendžaren pe o paria – vakerel o Radivoje, kote vakerel kaj majbut daral tari pli Romni i Rada kote kerel sine buti sar higieničarka ki policia, ama manglja te lel desavo pištoli em paldingje la tari buti.
Kana bijangja e bliznakon, o Radivoe dengja bakšiši pe romnajke duj somnakaeskere danda. E Rada ko hospitali majbut lošalili kaj si murša thaj kaj si parne o duj bliznakia.
O duj bliznakia o Giba thaj o Mika kote isi len 23 berša si frizeria. Olengoro idoli si o giljavutno tari srpsko estrada o Milan Stankovič.
