An o 20 avgusto 2016 berš ko 46 berša phuripa mulo o pendžardo romano aktivisto thaj editori e pendžarde informativno netvorkoske Roma Virtual Network, o Valery Novoselski taro Izrael.
O meripa sine ko vakti kana gelo bukjasa te del raporto vaš ikeriba jekh romano muzikakoro festivalo an i Riga Latvia. O Valery si biame ko 15 aprilo 1970 berš an o Dnipropetrovski, Ukraina, thaj si jeripaja taro Izralesko roma. Lungo berša o Novoselski si aktvno membro an i Internacionalno Romani Unia. Ko periodo 2005-06 berš doplomiringja sar romano diplomato.
Biamo ko periodo taro Sovetsko Union thaj moderno Ukraina dživdinel sine odothe dži ko 1993 berš, a taro 1993 dži ko 1995 berš sine an i Moskva, Rusia. Ko 1995 berš emigriringja an o Izrael.
Ko masek juli 1999 berš startungja ki organizacia pali oleskiri privat inicijativa te formirinel pe o virtuelno netvorko, Roma Virtual Network. An o 2000 berš ulo membro an i Internacionalno Romani Unia.
Ov sine aktivno membro an o Europakoro ofiso e Romenge , an o centro e Romane hakoenge an i europa, an i Internacionalno asociacia baši edukacia. Trujal o internacionalno Romano aktivizm o Novoselski lelja than ko butder saste inicijative, konferencie, mitingoa, akcie thaj aver.
Link: http://sverigesradio.se/sida/default.aspx?programid=2122
