Šukrikerinaja taro desave humano manuša , pani isi numa hajbe thaj thud e čhavenge nane. Higiensko artiklia isi so angje desave humano manuša. Ola akana nagjona ko “lačho” pani taro Vardari. Aver solucia nene olen. Odoleske bičhavel pe apel dži ko humano manuša te donirinen 28 kopane te šaj o čhave nagjona ko odola kopane a na ko Vardari. Te šaj čhinaven pe infektivno nasvalipa akava apel trubul te realizirinel pe majsig.
Pali i vizita taro Dr Arif Pini thaj oleskere asistentia studentia Manuel Mustafa thaj Arueta Tahiri notirime si o avgo nišanie taro inbfektivno ansvalipa ko desave čhave.
O apel legarel pe avereske da. Akava periodi pobut Roma kerena bijava kote isi len baravel menia hajbajako švedsko astalia thaj sa odova so ačhol frdela pe palo odova, šaj sa odova hajbe anel pe akale romane familienge so si mujhle ko drom thaj bizo hajbe si bokhale. I lokacia si mujal dizjakiri plaža telal o Kale.
