Bukjarno Rom si raritetno momenti. I Romani populacia ko majbaro numero si diskriminirime thaj ola dikhen pe sar pohrai bukjarni.. Numa ola si bukjarne thaj isi egzamplo sar šđaj odova suikavel pe.
I Dalila Ahemtović notiribaja “deš” magistriringja ko Fakulteti bašo trafiko thaj komunikacia an o Saraevo. Stipendisti si ko Khedipa ” I Edukacia tamikerel pe ki BiH” štar berša. Sar čahvo tari romani familia notirinel kobor i stipendia dengja la suporto an i edukacia koze avel tari diz Kakanj thaj dživdinel sine ko studentsko ofiso ko Saraevo. O love dengja la suporto te pukjinel i akomodacia , lila thaj sa aver so trubul lake ko vakti taro studie an o fakultweto”.
Tari Asociacia ” I Edukacia tamikerel pe an i BiH” akcentirinela kote importantno si te del pe suporto e terne Romenge ki olengiri edukacia sar lovencar agjaar thaj moralnoi, odoleske o Roma so kamen te educirinen pe taro berš ko berš te oven majbut so ka konkuririnen bašo stipendie. Sasto numero kobor Roma isi na džanela pe numa o numero ka havel pe pali kerdi statistikani poeracia e populaciake na i BiH.
Sa o kantonalno ministeriumia an i Federacia BiH thaj o ministeriumia bašo edukacia thaj kultura an i RS dengje signatura an o akciono plano asn i edukacia an i BiH.
Numa ka nakhel panda buteder vakti kana ka resel pe sasti inkluzia e Romenge an i edukaciakoro sistemo an i BiH- notirinen taro NGO.
