Ko raporto so si dokumentirime 82 rasno atakia upral o Roma thaj Sinti a si kritikujme thaj o mediumia bašo stereotipia mujal akala jekhina.
Hramosaribaja ” O Roma avrial” o terne ki komuna Tirol ko 2009 berš kergje atako upral jekh romani familia so sine ko dromariba odothare.
Ko jekh anglal nesavo periodo grupa terne taro Bišofshofen kergja atako upral o Roma aki jekh FB grupa akaherel sine bašo keriba atakia thaj aver.
Asavke aktia si dokumentirime tari rig taro Romane kancalarie thaj NGO an i Austria so keren sine buti an i tema:” Anticiganizmo an i Austria” ko nakhle 8 berša. Odothe si notirime kote barilo o nivelo taro asavke atakia ko nakhlo periodo. Ko raportia akcentirime si teleperavinam, fizičko atakia thaj aver forme natoleraniuca numa thaj diskriminacia ko bukjarne thana thaj aver.
O mediumia da keren propaganda tarp stereotišpia mujal o Roma thaj Sinti kote sikaven len jekherigutne sar informacie kote akala nacionalitetia majbaro numero olendar mangen devlenge ko droma.
Prekal nesave informacie an i Austria isi 25.000 Roma numa isi asavke da notiriba kote salde ko Beč isi upreder 80.000 Roma.
