O bare panja so astargje o reoni tari diz Skopje legargja 21 viktimi thaj bare materialno ziania. O manuša počmingje te organizirinen pe korkoroiniciativno thaj te donirinen artiklia e dizutnengo so si astarde akale bare panjencar.
Trujal o telefonsko numeria šaj te donirinen pe 100 denaria ki akharin thaj phravde si nekobor punktia kote šaj den donacia sar hajbe, pani, gumeno čizme thaj aver artiklia.
Phravdo si o punkti ko Vero Taftalidže kote o dizutne organizirime thaj vordonencar donirinena artiklia.
Kotor taro donacie legaren pe ko punkti Momin Potok kote so hulaven pe thaj transportirinen pe ko thana kote trubul. Ko jekh i komuna Šuto orizari startujngja te khedel informacie bašo kerdo ziani ko khera te del arka an i sanacia e kherengje ki Šutka. Avdive si havljardo kalo Dive.
