O Nacionalno Romano Centro vash o 2-to Avgusti Internacionalno dive an i memoria e viktimenge taro 1944 berš taro Holokasuti e Romenge, rodingja o Roma taro Balkano te ovel olen niami sar reparacia so sine bari dukh e Romencar ko vakti tari Dujto lumiakoro maripa . (Fašizmo, Hitler – Germania).
O Ašmet Elezovski , o direktori taro NRC vakergja kote akava dive notirinel pe sakote an i Europa ysar nišani ki lipar taro upreder 3.000 mudarde Roma ki rakja maškar o 2 thaj 3 avgusto ko konc logori Aušvic – Polska. Ko vakti taro Dujto lumiakoro maripa o Roma sine mudarde ko gasno komore ko buteder konc logoria, a ko desave logoria na sine mukhlo ni jekh Rom dživdo.
O Elezovski notiringja kaj o Roma taro Balkani na resle reparacia so si aver Romencar ko aver thema.
-Odoja obligacia kote aso o statistikano legaripa e avgo manušenge tari Germania kote athinge o genocido thaj pakajava kaj ka resek dži ko manuša so legaren o fondia thaj ka čhinavel pe o phravdo rasizmo mujal o Roma trujal so ola nikana na sine inicijatoria ko desave konfliktia, maripa, teroristikane aktia, numa sine pacifistia thaj keren zori baši integracia na o sasoitnipa, notiringja o Elezovski.
Ov anglal o mediumia rodingja konekcia e jaudijakere jekhinajka an i Makedonia ko barabutno notiriba akale diveseske.
