Pali havljarin i informacia kote 100 Roma idž erati bagerencar sine peravde olengere improvizirime khera telal o Kale dži ki len Vardar ko Skopje o Nacionalno Ombudsmani bičhavgja apelo dži ko sa themakere institucie thaj dži ko Maškarkomunakoro centro socialno bukjengje an i diz Skopje thaj o Ministeriumi baši sociala te len konsekevnce te šaj thanjaren e familien so ačhile bizo khera thaj bizi protektiva.
Našti te kerel pe akcia asavke formaja so nane humano thaj bizi anglutni koordinacia te arakhel pe than e familienge kaskere khera si peravde trujal so si improvizirime thaj nalegalno khera.
Fakti si kote odola khera kote bešen sine beršencar si improvizirime numa thaj fakti kote ni jekh ofiso na kergja zori te arakhel forma sar te faisalkerel akava problemi akale familienge kote akana si avrial.Maškar olende sine džuvlja, čhave so i akcia peravibaske e kherenge na legarel sine obligacia sar majodorig ka dživdinen akala manuša.
Čače si ladžavo so akala džuvlja, čhave thaj phure manuša sar ka dživdinen ko akala uče temperature so si avrial. Asavke nahumano aktrea o ofisia bistergje pli savala te legaren pe aso o interesi e čhavengoro so ola na kergje le.
O Nacionalno Ombdusamni aplerirnela urgentni te len pe konsekevnce te thanjaren e manušen thaj egzistencionalno te den len siguriteto liparibaja kaj i Republika Makedonia angja Nacionalno strategia te lačharel pe o stabndardi e Romenge thja parafiringja o proceso tari Romani dekada te šaj ovel majlačho kherutnipa akale Romenge ko pozuitivno trendi, thaj lačhe faisalia, a na peraviba thaj mukhiba e familien te improvizirinen sar ola džanen korkoro so si kerdo ko akava akti.
