I Marcia Yaskara Guelpa thaj o Nicolas Ramanush si membria e neve realiteteske tari romani jekhin an o Brasil trujal o nanipa oficialno suporto.
Ko editoriali taro migrazine.at kote kerdo si intervju e duj membroncar tari romani jekhin ko Brasil. I Marcia Yaskara Guelpa si presidento na o CERCI-Centro de Estudos е Resgate da Cultura Ciganam dži kote o Nicolas Ramanush si presidento tari nekanutni Embaixada Cigana do Brasil – Phralipen Roma.
O Magazino Migrazine.at pučlja: So legarel pe dži ko trin romane jekhina so si ko Brasil sikavde prekl o Roma si tari Ex Yugoslavia , Srbia, Makedonia thaj aver utarpurable europakere thema, palo odova o Kale (Portugal thaj Špania) thaj o Sinti (Germania, Italia thaj Francia) so si barabutne a so diferentno olende?
O Nikolas Ramanush vakerela: O Roma, Sinti thaj o Kale si len jekhutni korkoroidentifikacia sar “Roma”. Aver rigatar individue vakeren kaj si ola o čače Roma thaj ni athinen e avere Romane jekhinen. Sar egzamplo ko plo kampo desavo Kalo vakerel kaj si ov o čačuno Rom . Numa sako drom ov negirinel e aver Romane jekhinen jali individuen.
Karana kote sako individua bizi diferenca Rom, Kalo jali Sinti peske vakerel kaj si Rom numa o aver na.
Diference isi taro nekobor faktoria: dialekto, kultura, periodo taro egzoduso tari India, kulturakere specifikacie so sine eolen anglal te aven tari India.
Majlačhi analiza si egzamplo: Isi diferentno dialektia thaj nane standardno romani čhib. Oficialno nane athime kote so tergjol sar decizia taro IRU Kongreso taro 1978 berš kote rodingja pe standardizacia e čhibjake. Kulturakere diferencie isi thaj tari religia ko Roma soske okola so avile tari Turkia majbaro numero olendar si muslimania, okola so ale an i Grcia si katolikia jali ortodoskia, dži kote okola so thanjargje pe ko amerikakoro kontinento si protestanctia.
Diferenciaja taro Jaudie kote deklaririnen pe ki sasti forma sar Judejcia.
Link: http://www.migrazine.at/artikel/roma-sinti-and-calo-brazilian-realities-english
