Avdive notirinel pe o Internacionalno dive mujal o HIV/AIDS nasvalipa kote aso o informacie tari Agencia an o UN an o 2014 berš registririme si 36,7 milionia manuša an i lumia kote majbaro procenti dživdinen an i Afrika.
Prekal o raporto taro UNAIDS taro 2000 dži ko 2014 berš akava inficirmo nasvalipa buvlilo bašo 30% ko regioni tari Purabali Europa thaj Centralno Azia, dži kote bašo 26% ko Paše Purab thaj nord Afrika.
O nivelo taro mortaliteti a so si konektirime e AIDS persi tiknilo bašo 42% ki paralela e 2004 berše kana si notirime majbaro numero meripa.
An i Makedonia persi berš si notirime neve 39 nasvale taro HIV/AIDS. Taro AIDS sine 16 manuša, a 23 si HIV pozitiv, vakeren o informacie. Duj persone so isi len HIV/AIDS si ko baripa taro 10 dži ko 19 berša, 16 persone taro 20 dži ko 29 berša, 14% ko baripa taro 30 dži ko 39 berša baripa, 3 persone taro 40 dži ko 49 berša, thaj štar persone upreder 60 berš phuripa.
