Nekobor berša napalal ko avipa taro jekh taro majbare Islamsko baredivesa , Ramazan Bajram organiziringje te kheden love, thaj taro odova humanitarno fondi te keren paketia hajbaja thaj plesutne higienake so legarena kotor socialno teleperavdi kategoria familie.
Akava da berš implementiringe akaja akcia thaj hulavgje baro numero humanitarno paketia e čorole Romenge.
I akcia so keren si but baro gesti so kergje korkoro o dizutne so dživdinen o dizutne taro drom Metohiska tari mahala Šuto Orizari.
O humano gesto si jekh tikno momenti so džangavgjovel i godi ko manuša premal ple paše manušenge so našti te keren akava baro dive.
Interesno si soske o hulaviba e paketenge na sine salde o čorole Roma taro drom Metohiska , numa e Romenge tari sasti komuna Šuto orizari a ko jekh legargje paketia thaj e čorole Romenge tari mahala Topaana. Ki akaja akcia konektiringje pe em manuša so nane taro drom Metohiska thaj dživdinen ki Šuto Orizari.
Akava gesti ko jekh humano aspekti dengja thaj o prezidento taro IRU o Zoran Dimov, sar apel dži ko aver humane manuša te implementirinen asavke akcie.
Saste bahtarina thaj suporto asavke akcienge tari rig so kergja i Metohiska isi thaj taro Web portali Roma Times.
Bravo čhavalen!
