O faisalkeriba e problemenge e Romenge an i Srbia si importantno momenti, soske si ko pučiba o phraviba e Šerutnipaske 23 EU so kerel opservacia e themenge so realizirinen o resiba ko akala umalja. O Govermenti tari R.Srbia ki pli bešin angleder 3 masekoja lelja i startegia e socialno inkluziake e Romenge sar ko nacionalno thaj lokalno nivelo. Prekal i statistika taro kobor Roma isi an i Srbija taro 2011 berš ki Srbia isi 148.000 Roma, a ko Leskovac si 7.700 Roma . I komuna Leskovac ko dekemvri persi berš lelja o lokalno akciono plania e Romenge ko buteder umalja. Dži akana ki implementacia e akcisko planenge nane kerdo khanči, a i diz Leskovac pšrekal o raporto kote si havljardo ko sajto e Republičko ofiseske baši statistika baši inkluzia e Romenge si hulavde 0,00 dinaria.
I socialno inkluzia e Romenge kerel pe ko lokalno nivelo. Te šaj te kerel pe buti ko umalja edukacia, buti, kher, sastipa thaj legarel pe ko sublimato e manušikane niamenge thaj civilno jekhipa (nadiskriminacia) thaj rodel konkretno akcie te šaj kerel pe desavo progreso ko akcisko plania.
