O ramazan sako drom si ko jekh dive an o islamsko kalendari, i data taro gregoriansko kalendari varirinela taro berš ko berš, soske o gregorianko kalendari si khamskoro a o Islamsko si lunarno. O datumio taro Ramazani varirinela tari them ki them ko athinalipa si li i Luna – mesečina dikhli jali na.
O Ramazansko Bajrami si silamsko barodive so notirinel o agor er masekoske taro psoti – Ramazan. O Bajrami majbut bahtakerel pe sar “Bajram Šerif Mubarek Olsun” Ki translacia si: ” O Bajrami te ovel mukhlo taro Del. Ko jekh ki akaja bahtarin sar antvorto trubul te del pe; ” Allah Razi olsun” jali an i translacia : ” O Allah te ovel čalo” O Ramazansko Bajrami si Islamsko barodive ko agor e masekoske Ramazan.
O Ramazani si jekh taro masekoa an o Islami. Ov si jekh taro 5 funde – temelia taro Islami so trubul sako Muslimano te kerel post akale masekoske. Ko trianda divesa e masekoske sako muslimani trubul ma te hal, piel thaj ma te ovel le seksualno akto taro javin – kana ikljol o kham sa dži ki blel – kana perel o kham. Kana agorkerel akava masek avel o masek Ševal thaj o avgo trin divesa akale masekoske si jekh taro duj baredivesa an o Islami. o Ramazansko Bajrami (1,2 thaj 3 dive ko masek . Olea notirinel pe o agor e posteske. O avgo dive taro Bajrami si dive akana o posti nane mukhlo.
