Ko avipa ikeribaske i Parlamentarno sesia taro IRU an o Skopje taro 11 dži ko 13 juli akava berš o IRU Prezidiumi bičhavgja phravdi akharin bašo sa akanutne, aktuelno thaj aver membria an o IRU, ko jekh thaj e okolenge so “nahošinen pe” sar membria taro akava IRU, kote akava IRU si le intencia ki implementacia e Demokratsko Tranziciake thaj elektronsko vota ko vakti taro aver Kongreso so si planirimo bašo 4 berša.
Maškar o akahrde sine o Nortmund Rudović tari Latvia thaj o Dorin Čoaba tari Romania.
Ko jekh o IRU Parlamento angja akti te kerel pe diskusia tari rig e IRU Krisoske mujal akala duj džene sebepi kerde phagiba taro IRU Statuto thaj kerdo kriminali.
O Rudović tari rig e IRU Krisoske si šubikerdo kriminalno akteske “Romane pasportia” thaj čhijba korkoro anava-membria ko oleskoro prezidiumi so na korespondirinena thaj sar aktivno IRU membria te šaj anglal aver institucie vazdel plo hovavno kredibiliteto.
O Dorin Čoaba si krisime sebepi manipulacia e deibajaDekretia anavkeriba funkcie taro tipi ” Ministeri bašo finansie, Minsitri jurisdikciake, Ministria bašo manušikane hakoa, thaj aver kote o manuša taro Dorino odole Dekretencar sikaven thaj hohavne deklaririnen pe anglal europakere institucie sar Romane Ministeria thaj keren kriminalo, a korkoro ov sikavel pe sar “Romano Thagar”.
Butikeribaja malverzacia o Dorino thaj odola “hohavne Dekretia” o kriminalo olestar thaj oleskere manuša bisterna o momento akana kana i Britania ikljol tari EU sar ka kerel e 200.000 Romencar tari Romania so ka oven irame napalal. So ka kerel odole problemoa?
Ko than te den antvorto bašo kerde kriminalno aktia o Nortmund bičhavgja lil daravinaja thaj kontra aktia mujal o membria taro IRU a na dela logično raporto bašo nalegalno bizniso e romane pasportencar.
Oleskiri “malverzacia” si odokhare dikhli so kamel te defokusirinel savoren bašo plo kerdo kriminali javere rigatar. Ko jekh i situacia e Dorinoa si jekh a jekh, thaj ko than te del normalno raporto, ov akcentirinela o IRU te dikhel pli buti thaj ma te dikhel but oleste, soske oleskoro IRU legarel anav sar “IRU 1971”
Akale aktencar potencirinen taro IRU o duj džene sikavena kote isi len ambicie majdorig te keren ple manipulacie thaj te na čhinaven plo kriminalno bizniso, numa ola palem ka oven an i Agenda ko Paralemntarno sesia an o Skopje taro 11 dži ko 13 juli anglal IRU Kriso. Taro IRU vakerena kote “Nikaste nane le dekreto te kerel diskreditacia e anavea IRU , soske o IRU si jekh thaj nikaste nane le niami te kerel e IRU pli privat biznis firma jali kompania”.
