O efendija Muhamed Velić ko ple statusi ko socialno netvorko irangja i sama e statusea havljardo ko oleskoro FB profilo ko vakti tari Ramazansko posti.
Ov idž erati haramosargja:
“Rakjakoro kana geljum ko Iftari ko ahbaba adži Denis taro Mališeče ko Semizovci, ko pašiša taro betonsko bunkero, sine stopiriba ko trafiko. Sine odova paše palo 20 o saati anglal o Iftari.
Dikhljum kote khedingje pe buteder Roma so tergjon sine uzal o treno, barabutne policiakere vordonea kote sine rotiraško roš. O treno tergjol sine ki pruga thaj o than sine phanlo galbeno lentaja. Nesave Romane džuvlja rovena sine. Dikhlja pe kote uli desavi bibaht. Darandiljum ma te del o devel te khuvgje tikne čhaven soske odothe but droma khelena sine but tikne čhave, ma te del o Devel.
Geljum palo odova ko Malešić thaj palo odova havgjum kote o treno khuvgja desave romane džuvlja so iklili anglal o treno te šaj te kurtalinel duj tikne čhaven taro siguritetno meripa. Oj ko dova momenti nakhela sine odothar. O Devel džanela šaj kerel sine thaj Ramazansko posti. O anav lakoro sine Dženita Beriša thaj sine la salde 28 berša. Akale aktea akaja džuvli mange si simboli taro baro manušipa, garvasialipa thaj bidar sar heroi. O Allah neka del la majšukar Dženeti thaj majšikar phursako. Allahume amin!” vakerel pe ko FB posti taro efendia Muhamed Velić
