Trianda thaj efta beršengiri romni terni tari Kriva Palanka ko vakti taro bianipa, muli erati kana ko 15.40 o saati kana anglutne sine bičhavdi taro kumanovsko hospitali premal Urgentno centaru Karil ko Skopje. E bianibaskere pacientkake sine dendi anastezia palo so na uštili pobut thaj vrdaja tari Urgentno arka sine bičhavdi ko skopsko klinike.
O incidenti sine notirime ko SVR Kumanovo an o 20 o saati. Fundavno krisi dengja dekreto te kerel pe obdukcia emule manušnjake.
O meripa premal i policia alo ko vakti taro transporti. Ki havljarin dži ko mediumia o Ašmet Elezovski taro Nacionalno Romano Centari taro Kumanovo, havljarel kote erati ko 13 o saati o rom e mule Slagjana Dimitriovska, o Elvis Jusufov, sine informirime tarimedicinsko personali kaj biandilo leske murš čhavo.
Olakoro rom vakerela kote isi but konfunzno informacie taro hospitali. Majnglal taro hospitalo ko 13 o saati vakergje kaj isi le murš čhavo, so si 5-to čhavo olenge, thaj oleskiri romni si šukare. Palo odova kana irangja pe vakergje leske kote oleskiri romni nane baš šukare, našti te dikhel la thaj dengje le olakere šea. Palo odova informiringje le kote trubul te legaren la bašo Skopje. Ko agor palo oleskoro rodiba trubul sine te avel policia thaj te kerel pe obdukcia. Taro kumanovsko hospitali havljargje kaj ka keren ko thavdipa e diveseske thaj pres konferencia.
Link: http://lokalno.mk/pochina-rodilka-od-kriva-palanka-od-bolnicata-konfuzni-so-informiranjeto/
