O Rim si diz kote sako berš aven milionia truistia tari sasti lumia te dikhen o historikane monumentia , thaj dikhena odothe, kote ko droma šaj te dikhel pe jekh romani džuvli tari Bosna. Numa oj ko Rim na ali sar turisti te phirel , i Nana Fatima sako dive mangel devlenge ko than kote si locirime šaj o majpendžardo monumenti an i planeta o Rimsko koloseumi.
I nana Fatima si tari Bosnma, thaj ko Rim ali ko 1991 berš . Ali pe romea nekobor masekoja anglal te počminel o mariba ki Bosna
Tegani ola keren sine but. Palo desavo drom olakoro rom mulo, a i nana Fatima počmingja te mangel devlenge trujal o Koloseumi , soske sar so vakerel odova sine lake jekhutni egzistencia.
„Sar dživdinava? Po nesavo drom khedav purano sastrna, numa odova da akana si but phareste. Nane man suporto nikastar thaj salde taro mangipa devlenge ko droma odole lovencar dživdinava” vakerel i Fatima
Trujal so si pharo o dživdipa oj resela te dživdinel” Mange si kobor odokhar šukare, isi man hajbaske thaj odova mange dosta”
I Fatima an i Italia nane la niko, thaj nane la ni familia ki Bosna. trujals so mangel te iranel pe ki diu kote si biami ki Banja Luka, numa nane la love thaj nane ni jekh tari lakiri familia so ka udžarel la ki Bosna
” Mule savore, neko ko maripa, neko palo odova, soske savore sine phureder so me džanav len sine” vakerel i Fata
Thaj ko vakti kana milja turistia dikhen o monumentia an o Rimi , i nana Fatima majodorig bešel ko basamakia ko Koloseumi thaj kerel zori baši egzistencia ki them so nane lakiri, thaj nane la aver opcia te iranel pe.
Link: http://tip.ba/2016/04/22/foto-teska-zivotna-sudbina-nane-fatime-koja-prosi-na-ulicama-rima/
