O Boban .K. (43), Romano biando an i Srbia , mudardo si an o Hamburg, Germania ki mangin te arakhel pe čhija sebepi so mangen sine zorea te prandinen ola.
Sebepi akaja tragedia so uli ko hamburško kvarti Harburg ko šatrtodi astarde si 6 persone . nekobor kilometria taro than e tragediake i policia astargja duj muršane persone so si biame an i srbia ko baripa taro 20 thaj 27 berša.
O Boban K, si mudardo ko momenti kana parkirinel sine plo vordon, ola ale avere vrdaja phajrargje pištolea, khuvgje le ko šero thaj mudargje le ko than.
Špekulirinel pe kote o Boban beršencar sine čhivdo telel presia thaj daravina taro aver familia so mangen sine te len oleskere čhija sar bori ko olengoro kher panda kana sine la 14 berša, kote akana isi la 19 berša.
O Boban sine kontra odova thaj ačhilo te arakhel pe čhija thaj na amngel sine te del pe čhija sar bori ko odova kher. Tegani počmingje verbalno thaj fizičko maltretiriba taro i javer familia, so ko agor sine tragično thaj mudaripaja.
O Boban kerel sine buti sar odova so khedel sine sekundarno gunoj thaj puranipa, sine le štar čhave, thaj sar so vakeren o javera o Bobani sine hazri sa te kerel pe čhavenge.
